Raza Musani 
تل ابیب: عالمی برادری کی شدید مخالفت کے باوجود اسرائیلی حکومت نے مغربی کنارے کے الحاق کے منصوبے کو جاری رکھنے کا اعلان کیا ہے۔ اسرائیلی وزیرِ توانائی ایلی کوہن کا کہنا ہےکہ مغربی کنارے پر حکومتی اقدامات درحقیقت عملی خودمختاری کے نفاذ کے مترادف ہیں۔
ایلی کوہن نے آرمی ریڈیو سے گفتگو میں کہا کہ حالیہ اقدامات زمینی حقائق کو اس طرح تبدیل کر رہے ہیں کہ فلسطینی ریاست کے قیام کی کوئی گنجائش باقی نہ رہے۔ حالیہ اقدامات اس حقیقت کو قائم کرتے ہیں کہ کوئی فلسطینی ریاست قائم نہیں ہوگی۔
اس سے قبل وزیرِ خزانہ بیزالیل اسموٹریچ اور وزیرِ دفاع اسرائیل کاٹز بھی انہی اقدامات کا اعلان کر چکے ہیں۔ فلسطینی اتھارٹی، حماس۔ عرب و مسلم ممالک۔ امریکا۔ یورپی یونین اور اقوام متحدہ اسرائیلی اقدامات کو دو ریاستی حل کیلئے خطرہ قرار دیکر مسترد کرچکے ہیں۔
