Raza Musani 
اسلام آباد (نیٹ نیوز) مقبوضہ کشمیر میں بھارتی مظالم کے خلاف آل پارٹیز حریت کانفرنس نے اسلام آباد میں اقوام متحدہ مبصرمشن کے سامنے احتجاجی مظاہرہ کیا اور مبصر مشن کو یادداشت پیش کی۔ آل پارٹیز حریت کانفرنس کی جانب سے مقبوضہ کشمیر میں مظالم اور لائن آف کنٹرول پر بھارتی اشتعال انگیزی کے خلاف اقوام متحدہ مبصر مشن کے سامنے احتجاجی مظاہرہ کیا گیا اور مبصر مشن کو یادداشت پیش کی گئی۔ حریت رہنما یوسف نسیم نے اس موقع پر مظاہرین سے خطاب کرتے ہوئے کہا کہ کشمیریوں کو استصوابِ رائے کا حق دیا جائے۔ انہوں نے کہا کہ دنیا کو لاک ڈاؤن سے اندازہ ہو گیا ہے کہ کشمیری کس اذیت سے گزر رہے ہیں، مقبوضہ کشمیر کے لوگ 2 قسم کے کورونا کا سامنا کر رہے ہیں۔ یوسف نسیم کا یہ بھی کہنا تھا کہ بھارتی فوج کورونا وائرس کی وباء کی آڑ میں مقبوضہ کشمیر میں مظالم ڈھا رہی ہے۔
