Raza Musani 
بغداد : عراق کے صوبے المثنی میں سعودی سرمایہ کاری کیخلاف قبائلی عمائدین نے مظاہرہ کیا۔ اور السماوا کے علاقے میں سعودی سرمایہ کاری روکنے کا مطالبہ کیا۔ مظاہرین کا کہنا تھا کہ یہ اقدام سعودی عرب کے قریب ہونے اور اسرائیل کے ساتھ تعلقات کی بحالی کا پیش خیمہ ثابت ہوگا۔ مظاہرین نے سعودی سرمایہ کاری کو طویل المدت سامراجی منصوبے کا حصہ مانتے ہوئے کہا کہ اس سے عراقی شہریوں کی سلامتی بھی خطرہ میں پڑ جائے گی۔ عراق کی عبوری حکومت نے المثنی، الانبار، نجف اور کربلا کی دس لاکھ ہکٹراراضی پر 50 سالہ سرمایہ کاری کا لائسنس سعودی عرب کودے دیا ہے۔ بیشتر عراقی ماہرین اور سیاستدان سعودی سرمایہ کاری کے اہداف اور اس کی توانائیوں کے بارے میں شکوک و شبہات کا اظہار کر رہے ہیں۔
