Raza Musani 
تہران : ایران نے خلیجی ممالک میں امریکی اہداف اور اسرائیل پر شدید ترین حملے کئے ہیں۔ حملوں میں امریکا کے کئی طیاروں کو نقصان اور بارہ فوجی زخمی ہوگئے۔ ایران نے اسرائیل پر کلسٹر بموں کی بارش کردی۔ تل ابیب میں کثیر المنزلہ عمارتوں کو نشانہ بنایا گیا جس میں ایک شخص ہلاک اور دو زخمی ہوگئے۔
ایرانی فوج نے کویت کی الشویخ بندرگاہ پر امریکا کے چھ ٹیکٹیکل جہازوں کو نشانہ بنایا ہے۔ تین لڑاکا جہاز سمندر میں غرق ہوگئے جبکہ تین میں آگ لگی ہوئی ہے۔ دبئی کے ساحل اور ہوٹل میں امریکی اہلکاروں کو خودکش ڈرونز سے نشانہ بنایا گیا ہے۔ ایرانی حکام کے مطابق دونوں حملوں میں کئی امریکی فوجی مارے گئے ہیں۔ سعودی عرب کے علاقے الخرج میں پرنس سلطان ائربیس کو بھی نشانہ بنانے کا دعویٰ کیا گیا ہے جس میں ری فیولنگ اور ایئرسپورٹ فلیٹ کو نقصان پہنچا۔ حملے میں 12 امریکی فوجی زخمی ہوئے جن میں سے 2 کی حالت تشویشناک ہے۔ ابوظہبی کے خلیفہ اکنامک زونز میں میزائلوں کا ملبہ گرنے سے پانچ افراد زخمی ہوئے جبکہ کئی مقامات پرآگ لگ گئی۔ بحرین میں بھی ڈرون حملے سے عمارت میں آگ لگ گئی۔
