Raza Musani 
تہران : ایران نے اسرائیل کے سیکورٹی اہداف اور مشرقِ وسطیٰ میں ستائیس امریکی فوجی اڈوں پر شدید حملے کئے ہیں۔ جبکہ چوبیس گھنٹوں میں اسرائیلی وامریکی حملوں میں شہدا کی تعداد ڈھائی سو تک جاپہنچی۔
ایران نے اسرائیلی دارالحکومت تل ابیب میں مختلف اہداف اور قطر۔ عرب امارات۔ کویت اور دیگر خلیجی ممالک میں امریکی اڈوں کو ڈرونز اور میزائلوں سے نشانہ بنایا۔ تل ابیب پر حملے میں کئی عمارتوں کو آگ لگ گئی۔ ایران نے رات بھر ایک سو پچاس میزائل اور درجنوں حملہ آور ڈرون اسرائیل کی طرف داغے۔ اسرائیل نے بیشتر میزائل اور ڈرونز فضا میں تباہ کرنے کا دعویٰ کیا ہے۔
ایرانی پاسداران انقلاب کے حملوں میں دبئی ایئرپورٹ کو شدید نقصان پہنچا ہے۔ قطر میں امریکی اڈے پر جدید ریڈار تباہ ہوگیا جبکہ بعض تنصیبات کو بھی نقصان پہنچا۔ ادھر اسرائیل اور امریکا کے حملوں میں چوبیس صوبوں میں بڑے پیمانے پر نقصان ہوا ہے۔ ہرمزگان صوبے میں گرلز اسکول پر حملے میں شہدا کی تعداد ایک سو اڑتالیس ہوگئی ہے۔جس میں بیشتر طالبات ہیں۔
