Raza Musani 
تہران : ایران نے سعودی عرب کے ساتھ تجارت شروع کرنے کا اعلان کردیا۔ ایران کے وزیر صنعت و تجارت رضا فاطمی امین نے کہا ہے کہ ایران اور سعودی عرب باہمی رضا مندی سے تجارت کا آغاز کر رہے ہیں۔ تعلقات بحالی کے تناظر میں ایرانی اشیا کو سعودی عرب میں داخلے کی اجازت دینا ایجنڈے میں شامل ہے۔ وزارت میں ہمارے ساتھیوں نے سامان برآمد کرنے کا عمل شروع کردیا ہے۔ ایران کے وزیر خارجہ حسین امیر عبداللہیان اور سعودی ہم منصب شہزادہ فیصل بن فرحان نے 6 اپریل کو چین کے دارالحکومت بیجنگ میں ہونے والی بات چیت کے اختتام پر ایک مشترکہ بیان پر دستخط کیے تھے۔
