Raza Musani 
تہران: ایران کی 8 سالہ حافظ قرآن بچی نے اہل سنت جج کو بھی حیران کردیا۔ زینب سات سال قبل شام میں شہید ہونے والے مدافع حرم حبیب اللہ جعفرزادہ کی بیٹی ہیں۔ جنہوں نے 7 سال کی عمر میں قرآن مکمل حفظ کیا ہے ۔ بیوہ کے مطابق وہ زینب کی صحیح تربیت کرنے میں کامیاب ہونے پر انتہائی خوش ہیں کیونکہ شہید یہی چاہتے تھے کہ ان کی بیٹی ان کیلئے باعث فخر ہوں۔
زینب شیری جعفرزادہ نے کچھ دن پہلے ایرانی قومی چینل پر ایک قرآنی پروگرام میں شرکت کی اور قرآنی فن کا مظاہرہ کرتے ہوئے وہاں موجود شام سے تعلق رکھنے والے جج سمیت سب کو حیران کردیا۔ تلاوت سننے کے بعد شامی اہل سنت جج کا کہنا تھا کہ ایسے فرشتے تو آسمان پر ہوتے ہیں زمین پر کہاں سے آئے۔
