Raza Musani 
تہران : ایرانی صدر مسعود پزشکیان نے امریکا سے دوبارہ مذاکرات شروع کرنے کی منظوری دیدی۔ بات چیت صرف جوہری معاملے کے دائرہ کار میں ہوگی۔ مذاکرات کے وقت اور مقام کا حتمی اعلان تاحال نہیں کیا گیا۔ ایرانی نیوز ایجنسی کے مطابق وزیر خارجہ عباس عراقچی اور امریکی ایلچی اسٹیو وٹکوف مذاکرات کی قیادت کریں گے۔ ترکیہ، قطر اور مصر نے میزبانی کے لیے سفارتی کوششیں تیز کردی ہیں۔ ایرانی وزیرِ خارجہ عباس عراقچی نے کہا ہے کہ امریکا ایران میں حالیہ سازش میں ناکامی پر سفارتکاری کی طرف واپس آیا۔ امریکا یاد کھے سفارتکاری دھمکی، خوف اور دباؤ کے ساتھ ہم آہنگ نہیں ہوتی۔ جو شخص احترام سے بات کرے گا، اسے احترام سے جواب ملے گا، اور جو دھمکی اور طاقت سے بات کرے گا۔ اسے اسی زبان میں جواب دیا جائے گا۔
