ایران کی اسرائیل اور خطے میں امریکی اہداف پر راکٹوں کی بارش، بڑے پیمانے پر نقصان

تہران : اسرائیلی اور امریکی جارحیت کے جواب میں ایران نے آپریشن فتح خیبر کا آغاز کردیا۔ ایران نے اسرائیل اور خطے میں امریکی اہداف پر راکٹوں کی بارش کردی۔ سعودی عرب۔ قطر۔ کویت ۔ عرب امارات۔ بحرین اور اردن اور عراق میں امریکی فوجی اڈوں کو نشانہ بنادیا گیا۔ اسرائیل میں کئی عمارتوں میں آگ بھڑک اٹھی۔ بزدل اسرائیلی بنکروں میں جا چھپے۔ ایران نے حملوں میں سینکڑوں امریکی فوجی ہلاک کرنے کا دعویٰ کیا ہے۔
دوحہ میں امریکا کا جدید ترین ریڈار تباہ ہوگیا۔ مناما میں امریکی بیس پر تنصیبات تباہ ہوگئیں۔ کویت میں ایئرپورٹ کو ڈرون حملے میں نقصان پہنچا۔ اردن میں امریکی فوجی اڈے پر عمارت میں آگ بھڑک اٹھی۔ دبئی میں حملے میں ایک پاکستانی شہری مارا گیا کئی زخمی ہوگئے۔ دبئی میں اس عمارت کو بھی ڈرون سے نشانہ بنایا گیا جس ہوٹل میں امریکی فوجیوں کی رہائش گاہ ہے۔ ایرانی حملوں کے بعد اسرائیل۔ عرب امارات سمیت کئی ممالک کی فضائی حدود بند کردی گئیں۔