Raza Musani 
تہران : ایرانی صدر مسعود پزشکیان نے کہاہےکہ ایران نے جنگ سے بچنے کی ہرممکن کوشش کی لیکن دفاع کے سوا کوئی راستہ باقی نہ رہا۔ ایکس پر جاری ایک بیان میں ایرانی صدر نے دوست اور ہمسایہ ممالک کے سربراہان کو مخاطب کرتے ہوئے کہا کہ ایران نے ان ممالک کے ساتھ مل کر اور سفارتی ذرائع کے ذریعے جنگ سے بچنے کی کوشش کی، لیکن امریکی۔ صہیونی فوجی جارحیت نے ہمارے لیے دفاع کے سوا کوئی راستہ نہیں چھوڑا۔ ایرانی صدر نے دوست اور ہمسایہ ممالک کو پیغام دیا کہ ہم آپ کی خودمختاری کا احترام کرتے ہیں ۔انہوں نے واضح کیا کہ وہ اب بھی سمجھتے ہیں کہ خطے کا امن اور استحکام خطے کے ممالک ہی کے ذریعے یقینی بنایا جانا چاہیے۔
