Raza Musani 
تہران : ایران نے زیر زمین ڈرون سٹی کی رونمائی کرکے دشمنوں میں کھلبلی مچادی۔ ڈرون سٹی میں مختلف قسم کے جدید اور پیشرفتہ ڈرونز رکھے گئے ہیں۔ سرکاری ٹی وی کا کہنا ہے کہ زگروس پہاڑوں کے وسط میں 100 ڈرون رکھے جا رہے ہیں۔ان میں ابابیل-5 بھی شامل ہے۔اس ڈرون میں قیّم-9 میزائل نصب کیے گئے ہیں اوریہ فضا سے زمین پر مار کرنے والے امریکی ہل فائر کا ایرانی ساختہ ورژن ہے۔ کمانڈر میجرجنرل عبدالرحیم موسوی نے کہا کہ اس میں کوئی شک نہیں کہ مسلح افواج کے ڈرون خطے میں سب سے طاقتور ہیں۔ ڈرونز کو اپ گریڈ کرنے کی ہماری صلاحیت ناقابل تسخیر ہے۔ ایران کے سرکاری ٹی وی کے نامہ نگار کو ڈرون سٹی لے جایا گیا نامہ نگار کا کہنا ہے کہ انہیں کرمان شاہ سے ہیلی کاپٹر کے ذریعے ڈرون سٹی لے جایا گیا ہیلی کاپٹر 45 منٹ پرواز کے بعد بیس پر پہنچا اس کے بعد ہی آنکھوں پر بندھی پٹی کھولنے کی اجازت دی گئی تھی۔
