ایران امریکا تنازع پر پاکستان سے رابطے میں ہیں، اقوامِ متحدہ

نیویارک: اقوامِ متحدہ کے سربراہ انتونیو گوتریس کے ترجمان اسٹیفن دوجارک نے کہا ہے کہ وہ ایران امریکا تنازع ختم کروانے کے لیے پاکستان سے رابطے میں ہیں۔ مذاکرات کی بحالی سے تنازع ختم کرنے میں مدد ملے گی۔ نیویارک میں صحافیوں سے گفتگو کرتے ہوئے اسٹیفن دوجارک نے کہا کہ اقوامِ متحدہ کے سربراہ پاکستانی قیادت کی کوششوں کو قدر کی نگاہ سے دیکھتے ہیں۔ انہوں نے اسلام آباد مفاہمتی معاہدے کو ایک اہم کامیابی قرار دیا۔ دوجارک کے مطابق مذاکرات کی بحالی واشنگٹن اور تہران کے درمیان تنازع ختم کرنے میں مددگار ثابت ہوگی۔ ان کا کہنا تھا کہ اقوامِ متحدہ ہمیشہ مذاکرات کی حمایت کرتی ہے اور فریقین کے درمیان دوبارہ سفارتی رابطہ تنازع کے خاتمے کی راہ ہموار کرسکتا ہے۔