ایران نے 5 عرب ممالک سے جنگی نقصان کا ہرجانہ مانگ لیا

نیویارک : ایران نے پانچ عرب ممالک سے جنگی نقصان کا ہرجانہ مانگ لیا۔ پانچوں ممالک پر امریکا اور اسرائیل کے ساتھ مبینہ تعاون دعویٰ کیا گیا ہے۔ ایران کے مستقل مندوب امیر سعید ایروانی نے اقوام متحدہ کے نام خط میں لکھا کہ بحرین، سعودی عرب، قطر، متحدہ عرب امارات اور اردن نے امریکا اور اسرائیل کی ایران کے خلاف کارروائیوں میں معاونت کی۔ جس کے باعث ان ممالک پر ہرجانہ ادا کرنا لازم ہے۔ ایرانی مؤقف کے مطابق ان ممالک نے اپنی سرزمین استعمال کرنے کی اجازت دے کر بین الاقوامی قوانین اور ایران کے خلاف اپنی ذمہ داریوں کی خلاف ورزی کی۔ خط میں کہا گیا کہ بعض معاملات میں ان ممالک کی جانب سے براہ راست غیرقانونی مسلح حملوں میں شرکت کے شواہد بھی موجود ہیں۔ ایران نے مؤقف اختیار کیا کہ وہ خود 28 فروری 2026 کو امریکا اور اسرائیل کی مشترکہ جارحیت کا نشانہ بنا، جس کے بعد یہ کارروائیاں جاری رہیں۔