Raza Musani 
تہران : ایران نے سات سال کے بعد سعودی عرب میں علی رضا عنایتی کو اپنا سفیر مقرر کردیا۔ ریاض کیلئے نئے ایرانی سفیر علی رضا عنایتی نائب وزیر خارجہ کے طور پر کام کرچکے ہیں اور وہ خلیجی امور کے ماہر سمجھے جاتے ہیں۔ وہ دو ہزار چودہ سے 2019 تک کویت میں بطور سفیر ذمہ داریاں انجام دے چکے ہیں۔ علی رضا وزارت خارجہ میں عرب خلیج امور کے ڈائریکٹر جنرل کے طور پر بھی کام کر چکے ہیں۔ ایران کی جانب سے ریاض کے لیے سفیر کی تقرری کا اعلان اپریل میں چین کی ثالثی میں تہران اور ریاض کے درمیان معاہدے کے نیتجے میں سامنے آیا ہے۔ اس معاہدے نے ایران اور سعودی عرب کے درمیان کئی برسوں کی کشیدگی کو ختم کر دیا ہے۔ واضح رہے کہ سعودی عرب نے 2016 میں تہران میں اپنے سفارت خانے اور مشہد میں قونصل خانے پر مظاہرین کے حملے کے بعد ایران کے ساتھ تعلقات منقطع کردیے تھے۔
