Raza Musani 
نئی دہلی : ہندوستان میں دہشت گردی کے الزام میں ایک سو چھ مسلمانوں کو گرفتار کرلیا گیا۔
نیشنل انویسٹی گیشن ایجنسی اور انفورسمنٹ ڈاریکٹوریٹ کی مشترکہ ٹیموں نے گیارہ ریاستوں میں پاپولر فرنٹ آف انڈیا کے خلاف کریک ڈاؤن کیا۔ کارروائی ان اطلاعات پر کی گئی جن میں بتایا گیا تھا کہ کچھ لوگ نوجوانوں کو دہشت گردی کی طرف راغب کر رہے ہیں۔ آسام۔ دہلی ۔ مدھیہ پردیش۔ مہاراشٹرا اور کرناٹکا سمیت گیارہ ریاستوں میں چھاپے مارے گئے جن میں پی پی ایف آئی کے ریاستی صدر نذیر پاشا کا گھر بھی شامل تھا۔ پاپولر فرنٹ آف انڈیا کے آل انڈیا صدر او ایم اے سلام اور اس کے قومی جنرل سیکریٹری ایلامرم نصرالدین کو شمالی کیرالہ کے کوزی کوڈ میں حراست میں لے لیا گیا ہے۔ پاپولر فرنٹ کا کہنا ہے کہ قومی، ریاستی اور مقامی سطح کے لیڈروں کے گھروں پر چھاپے مارے جا رہے ہیں فاشسٹ حکومت کی اس مہم کے خلاف سخت احتجاج کرتے ہیں جو اختلاف رائے رکھنے والوں کی آوازیں دبانے کے لیے ہے۔ این آئی اے نے 2017 میں وزارت داخلہ کو خط لکھا تھا، جس میں اس نے پی ایف آئی پر پابندی لگانے کا مطالبہ کیا تھا۔ این آئی اے کے بموجب پی ایف آئی مسلسل قومی سلامتی کے لیے نقصان دہ کارروائیوں میں ملوث رہی ہے۔
