Raza Musani 
کربلا: امام حسین علیہ السلام کے لاکھوں زائرین نجف سے پیدل چل کر کربلا پہنچ گئے۔ بین الحرمین میں لبیک یا حسین علیہ السلام کر صدائیں گونج رہی ہیں۔ فضا میں عشق حسینی کا انقلاب انگیز سماں ہے۔ عراق کے مختلف علاقوں اور ہمسایہ ممالک سے لاکھوں زائرین حسینی اربعین کی مشی مکمل کرکے کربلا کے میں داخل ہوئے بین الحرمین میں عزاداری کی۔ عاشقان حسینی کی گروہوں کی شکل میں کربلا میں داخل ہوتے ہی امام حسین علیہ السلام اور ان کے اہل بیت کی محبت کے جذبے سے سرشار اپنے دلوں کی گہرائیوں سے مسلسل لبیک یا حسین کا نعرہ لگاتے ہوئے حرم امام حسین ع کی طرف عاشقانہ انداز میں بڑھے۔
