Raza Musani 
نیویارک: امریکا کے جنگی جنونی صدر ڈونلڈ ٹرمپ نے دھمکی دی ہےکہ وہ بڑا فیصلہ کرنے جا رہے ہیں۔ انہیں فیصلہ کرنا ہے کہ وہ ایران کو تباہ کردیں یا انہیں دوبارہ پنپنے دیں۔ اقوام متحدہ کی جنرل اسمبلی سے خطاب میں امریکی صدر ٹرمپ نے کہا کہ اگر تنازع حل نہ ہوا تو امریکا اسلامی جمہوریہ ایران کو مکمل طور پر تباہ کرنے کی صلاحیت رکھتا ہے۔ ٹرمپ نے دعویٰ کیا کہ تنازع کے نتیجے میں ایران جوہری ہتھیار حاصل کرنے سے رک گیا اور ان کے بقول طاقت کے ذریعے امن کی پالیسی کی اہمیت واضح ہوئی۔ امریکی صدر نے سوال اٹھایا کہ آیا ایران کے ساتھ ایسا معاہدہ ہوگا جس کے ذریعے وہ دوبارہ تعمیر ہوکر پہلے سے زیادہ طاقتور ملک بنے گا، یا امریکا اسلامی جمہوریہ کے خلاف دوبارہ فوجی کارروائی کرے گا۔ ٹرمپ نے مزید کہا کہ انہیں توقع ہے کہ ایران کے ساتھ وہ معاہدہ، جس کے لیے اب تک پیش رفت نہیں ہوسکی، نومبر کے انتخابات کے فوراً بعد طے پا جائے گا۔
