Raza Musani 
انقرہ : ترک صدر رجب طیب اردوان نے کہا ہے کہ ایران پر غیرقانونی حملوں نے خطے کی سیکیورٹی صورتحال کو مزید خطرناک بنا دیا ہے۔ ترک صدر رجب طیب اردوان نے انطالیہ ڈپلومیسی فورم کے موقع پر پاکستانی وزیراعظم شہباز شریف اور قطر کے امیر شیخ تمیم بن حمد الثانی سے ملاقات کی۔
اس موقع پر اردوان نے کہا کہ ترکیہ جنگ بندی کے تحفظ اور پائیدار امن کے قیام کے لیے اپنی کوششیں مزید تیز کرے گا۔ انہوں نے اس بات پر بھی زور دیا کہ موجودہ تنازعات نے ایک نئی اور مضبوط علاقائی سیکیورٹی حکمت عملی کی ضرورت کو واضح کر دیا ہے۔ ملاقات کے دوران تینوں رہنماؤں نے خطے میں دیرپا اور مستحکم امن کے حصول کے لیے مشترکہ اقدامات پر بھی تبادلہ خیال کیا۔
