Raza Musani 
خیرپور : کالعدم دہشت گرد تنظیم کی جانب سے شہر میں 15جنوری کو دوریلیوں کے اعلان سے حالات کشیدہ ہوگئے، شیعہ رابطہ کونسل تعلقہ خیرپور نے ضلع انتظامیہ سے کالعدم تنظیم کی سرگرمیوں کا سخت نوٹس لینے کا مطالبہ کیا ہے۔
تنظیم کے ایک بیان میں کہا گیا ہے کہ خیرپور میں قائم مذہبی ہم آہنگی کونقصان پہچانےکی کوشش کی جارہی ہے۔ سرکی موڑ اور لقمان میں کالعدم جماعت دوبارہ حالات خراب کرنےکی کوشش کررہی ہے۔ انہوں نے ضلع انتظامیہ ڈپٹی کمشنر خیرپور،ایس ایس پی خیرپور،ونگ کمانڈر خیرپور سےمطالبہ کرتے ہوئے کہاکےکالعدم جماعت کی تمام سرگرمیوں کو روکا جائے اور سرکاری جامع مسجد میں کالعدم جماعت کےغیرقانونی نقل وحرکت پر پابندی لگائی جائے۔
