Raza Musani 
یروشلم : صیہونی پابندیاں توڑ کر ڈھائی لاکھ فلسطینیوں نے مسجد اقصیٰ میں نماز جمعہ ادا کی۔ صیہونی پابندیوں اور رکاوٹوں کے باوجود ماہ رمضان کا دوسرا جمعہ پڑھنے ہزاروں فلسطینیوں نے مسجد اقصٰی کا رخ کیا۔ یروشلم میں محکمہ اسلامی اوقاف کے سربراہ شیخ عزام الخطیب نے بتایا کہ ڈھائی لاکھ کے قریب نمازیوں نے مسجد اقصیٰ میں جمعہ کی نماز ادا کی۔ گذشتہ ہفتے یہ تعداد ایک لاکھ رہی تھی۔ رپورٹ کے مطابق نمازیوں نے صبح سے ہی مسجد اقصیٰ پہنچنا شروع کردیا تھا۔ اسرائیلی فورسز نے 55 سال سے کم عمر مردوں کو مسجد اقصیٰ میں داخلے سے روک دیا۔ اسرائیل نے اعلان کیا ہے کہ وہ رمضان کے دوران صرف خواتین، بچوں اور 55 سال سے زیادہ عمر کے مردوں کو مسجد اقصیٰ میں داخل ہونے کی اجازت دے گا ۔ مشرقی یروشلم میں 2000 اسرائیلی سیکیورٹی اہلکار تعینات ہیں۔ یروشلم کے مفتی اعظم محمد احمد حسین نے اپنے خطبہ میں یہودیوں کے پاس اوور کے دوران مسجد اقصیٰ کو نشانہ بنانے کے اسرائیلی منصوبوں کے بارے میں خبردار کیا۔ جو 5 سے 12 اپریل کے درمیان منایا جائے گا۔
