Ilyas 
موسم میں ہونے والی معمولی تبدیلی سے بھی عام طور پر نزلہ اور کھانسی کا سامنا کرنا پڑتا ہے اور بعض اوقات تو دوائیاں استعمال کرنے کے باوجود بھی نزلہ اور کھانسی پیچھا نہیں چھوڑتی۔
ایسے ہی جب آپ کے ایئر ویز میں بلغم جمع ہوجاتا ہے تو آپ کا جسم اس سے نجات حاصل کرنے کی کوشش کرتا ہے۔ کیونکہ جب آپ دھویں یا مٹی میں سانس لیتے ہیں، تو آپ کے ایئر ویز میں موجود بلغم کی جھلی بلغم پیدا کرتی ہے۔
کھانسی سے نجات حاصل کرنے کے لئے زیادہ تر افراد ڈاکٹرز کی تجویز کی ہوئی دوا استعمال کرتے ہیں، مگر اکثر ایسا ہوتا ہے کہ دوا استعمال کرنے کے باوجود بھی کھانسی سے چھٹکارا حاصل نہیں ہوتا، یہاں ہم آپ کو چند گھریلو ٹوٹکے بتارہے ہیں جن سے آپ کو کھانسی سے نجات حاصل کرنے میں کافی مدد ملے گی۔
ادرک کی چائے:
اینٹی آکسیڈنٹس ادرک میں وافر مقدار میں پائے جاتے ہیں،اگر آپ کو شہد پسند نہیں ہے تو آپ ادرک کو ایک کپ گرم پانی میں ملا کر اپنی ادرک کی چائے بھی بنا سکتے ہیں۔ یہ آپ کی سانس کی نالی میں بلغم کو توڑ دے گااور کھانسی کو ختم کرنے میں انتہائی مفید ثابت ہوگا۔
دار چینی اور لونگ:
دار چینی میں اینٹی آکسیڈنٹس کے ساتھ ساتھ اینٹی بیکٹیریل اور اینٹی وائرل خصوصیات وافر مقدار میں پائی جاتی ہیں، اگر آپ اپنی ادرک کی چائے کو مزید موثر بنانا چاہتے ہیں تو اس میں تھوڑی سی دار چینی ڈال دیں۔ اس سے آپ کی چائے کا ذائقہ بھی بہترین ہوجائے گا بلکہ آپ کی کھانسی کی شکایت بھی دور ہوجائے گی۔
شہد:
شہد کو ایک سوزش، اینٹی آکسیڈینٹ اور اینٹی بیکٹیریل ایجنٹ کے طور پر استعمال کیا جاتا ہے۔ شہد آپ کے گلے کو سکون بخشتا ہے اور آپ کی چپچپا جھلیوں کو سکون پہنچاتا ہے، لوگ عام طور پر کھانسی کے علاج کے لیے شہد کا استعمال کرتے ہیں۔
اس لیے ایک کپ گرم پانی میں تین چمچ شہد ملا لیں۔اگر آپ اسے آہستہ آہستہ پیتے ہیں تو یقینی طور پر آپ کا گلا بہتر محسوس ہوگا اور اس سے آپ کی کھانسی بھی ختم ہوجائے گی۔
