امریکا نے دوبارہ فوجی کارروائی کی تو ہم پہلے سے زیادہ تیار ہیں، عباس عراقچی

تہران : ایرانی وزیر خارجہ عباس عراقچی نے کہا ہے کہ اگر امریکا دوبارہ فوجی کارروائی کا راستہ اختیار کرتا ہے تو ایران دفاع کے لیے پہلے سے زیادہ تیار ہے۔ تہران میں تعینات سفیروں اور عالمی مشنز کے عملے سے خطاب میں عباس عراقچی نے کہا کہ امید کرتے ہیں کہ امریکا دانش مندی اور عقل کا راستہ اختیار کرے گا۔ اگر امریکا دوبارہ فوجی حل کی طرف بڑھا تو ہم پہلے سے زیادہ تیار ہیں اور اپنے دفاع کے لیے جو کچھ ضروری ہوا کریں گے۔ عراقچی نے کہا کہ نئی پابندیوں کا کوئی اثر نہیں ہوگا اور نہ ہی فوجی کارروائی یا مزید پابندیاں کسی مسئلے کا حل ہیں۔ ان کے مطابق صرف انصاف اور منصفانہ بنیادوں پر ہونے والے مذاکرات ہی اس جنگ کا خاتمہ کر سکتے ہیں۔