حکومت نے الیکشن سے بھاگنے کی کوشش کی تو ہم سب سڑکوں پر ہوں گے، عمران خان

لاہور: سابق وزیراعظم عمران خان نے اپنی حکومت ختم ہونے اور پی ڈی ایم حکومت کو ایک سال مکمل ہونے پر وائٹ پیپر جاری کردیا۔ عمران خان نے کہاکہ سارا منصوبہ پہلے سے بنا ہوا تھا کہ مجھے شہباز شریف سے بدلنا تھا۔ جنرل (ر) باجوہ کی شہباز شریف سے انڈراسٹینڈنگ ہو چکی تھی۔ اُن کے کیسز ختم کرواکر بچایا بھی گیا اور لایا بھی گیا۔ ان کا کہنا تھا کہ سازش پاکستان سے شروع ہوکر امریکا گئی۔ حسین حقانی کو ہائر کیا گیا اور میری حکومت کے خلاف پروپیگنڈا کیا گیا اور اس نے کہا کہ جنرل باجوہ امریکا کے حامی اور عمران خان امریکا کے مخالف ہیں اور پھر امریکا سے سائفر آیا۔ عمران خان نے کہا کہ شکست کے خوف سے یہ الیکشن سے بھاگ رہے ہیں ۔اگر انہوں نے عدلیہ کو تقسیم کر کے الیکشن سے بھاگنے کی کوشش یا ہمارے خلاف اسی طرح کے حربے استعمال کیے تو ہم سب سڑکوں پر ہوں گے۔