ناکابندی جاری رہی تو آبنائے ہرمز کھلی نہیں رہے گی، قالیباف

تہران: ایرانی اسپیکر باقر قالیباف نے خبردار کیاکہ بحری ناکابندی جاری رہی تو آبنائے ہرمز کھلی نہیں رہے گی۔ قالیباف نے کہا کہ ہرمز سے جہازوں کے گزرنے کا عمل مخصوص راستوں سے ہوگا، ایران کی اجازت لازم ہوگی۔ باقر قالیباف نےکہا ٹرمپ کے دعوؤں سے امریکا فاتح نہیں سمجھا جاسکتا، نہ ہی ان سے مذاکرات میں پیشرفت ممکن ہے۔ ان کا کہنا تھا کہ یہ فیصلہ سوشل میڈیا پر دیے گئے بیانات سے نہیں بلکہ زمینی حقائق سے ہوتا ہے کہ آبنائے کھلی ہے یا بند اور اس پر کون سے ضابطے لاگو ہوں گے۔ انھوں نے امریکی صدر کے بیانات پر تنقید کرتے ہوئے لکھا کہ صدر ٹرمپ نے ایک گھنٹے میں سات دعوے کیے اور ساتوں جھوٹے تھے۔ محمد باقر قالیباف کا کہنا تھا کہ انہوں نے ان جھوٹوں سے نہ تو جنگ جیتی اور نہ ہی وہ مذاکرات میں کسی نتیجے تک پہنچ سکیں گے۔