پاکستان نے سرکریک پر اشتعال پھیلایا تو جغرافیہ بدل دینگے، راجناتھ

نئی دہلی : انڈین وزیرِ دفاع راجناتھ سنگھ نے پاکستان کو سخت پیغام دیتے ہوئے کہا ہے کہ اگر اسلام آباد نے سرکریک کے معاملے پر کوئی اشتعال انگیزی دکھائی تو انڈیا تاریخ اور جغرافیہ بدلنے والا جواب دے گا۔ راجناتھ سنگھ نےحیدرآباد میں ایک تقریب سے خطاب میں کہا کہ انڈیا نے 2016 کی سرجیکل اسٹرائکس اور 2019 کے بالاکوٹ حملے سے دنیا کو دکھا دیا کہ وہ اپنی خودمختاری کے دفاع کے لیے ہر حد تک جا سکتا ہے۔ اُنہوں نے کہا کہ ملک کی حفاظت اور وقار کیلئےسرحد کی قید نہیں رہے گی۔ وزیر دفاع نے واضح کیا کہ انڈیا کا مقصد جنگ نہیں بلکہ دہشت گردی کے مراکز کو ختم کرنا ہے، تاکہ اپنے شہریوں کو محفوظ رکھا جا سکے۔ راجناتھ سنگھ نےکہا کہ سرکریک سےایک راستہ کراچی بھی جاتا ہے، کراچی پر حملہ کرسکتے ہیں ۔ سرکریک ایک 96 کلومیٹر طویل دلدلی آبی پٹی ہے جو گجرات اور سندھ کے درمیان واقع ہے اور برسوں سے دونوں ممالک کے درمیان سرحدی تنازع کی علامت بنی ہوئی ہے۔