ضرورت پڑی تو جنگ دشمن کی حدود میں لے جاسکتے ہیں، پاک فوج

راولپنڈی : پاک فوج کے ترجمان نے کہا ہے کہ ضرورت پڑی تو جنگ کو دشمن کی حدود میں بھی لے جایا جا سکتا ہے۔ڈی جی آئی ایس پی آر میجر جنرل احمد شریف نے اپنی پہلی نیوز کانفرنس میں کہا کہ ہندوستان مقبوضہ کشمیر کی تاریخ اور حیثیت تبدیل نہیں کر سکتا۔ ہندوستان کا منفی پروپیگنڈا اس کی داخلی سیاسی صورتحال کو ظاہر کرتا ہے۔ فوج ہر قسم کی جارحیت کا سامنا کرنے کیلئے تیار ہے۔ ترجمان نے کہاکہ کالعدم ٹی ٹی پی سے مذاکرات حکومت کا فیصلہ تھا کسی فرد یا گروہ کو ہتھیار اٹھانے کی اجازت نہیں دی جائے گی۔ انہوں نے پنجاب میں الیکشن کیلئے سیکیورٹی کی فراہمی سے معذرت کرتے ہوئے کہا کہ الیکشن کیلئے فوج کی تعیناتی حکومت کرتی ہے ۔ سپریم کورٹ اور الیکشن کمیشن میں وزارت دفاع کا جواب متحرک زمینی حقائق پر مبنی ہے۔فوج کی کسی ایک سیاسی یا مذہبی گروہ کیخلاف کارروائی کا نتیجہ انتشار ہی نکلتا ہے۔