غزہ میں انسانی حالات مسلسل بگڑ رہے ہیں، اقوام متحدہ

جنیوا : اقوام متحدہ کے انسانی امور کے ادارے اوچا نے خبردار کیا ہے کہ غزہ میں انسانی حالات مسلسل بگڑ رہے ہیں ۔ دس لاکھ افراد فوری طور پر پناہ گاہ اور امدادی معاونت کے محتاج ہیں۔ اوچا نے ایک بیان میں غزہ کی صورتحال کو المناک قرار دیا اور کہا کہ رہائشی علاقوں میں وسیع پیمانے پر تباہی اور بنیادی وسائل کی شدید کمی کے پیش نظر دس لاکھ افراد کو مدد اور بحالی کی ضرورت ہے۔ اوچا نے زور دیا کہ مستقل حل اپنانا ناگزیر ہے تاکہ مقامی آبادی کی ضروریات پوری کی جا سکیں، جن میں متاثرہ مکانات کی مرمت کے لیے سازوسامان، مشترکہ حرارتی مقامات کے قیام کے لیے مواد اور ملبہ ہٹانے کے لیے خصوصی آلات شامل ہیں۔ اوچا نے کہا کہ اقوام متحدہ اور اس کے انسانی شراکت داروں نے گذشتہ ہفتے 7,500 سے زائد خاندانوں تک پہنچ کر خیمے، پلاسٹک کی چادریں، انسولیشن کے مواد، گدے اور کمبل فراہم کیے، نیز مختلف علاقوں میں 1,400 بچوں کو سردی کی مناسب لباس بھی مہیا کیے گئے۔