Raza Musani 
تہران : ایران نے ویانا میں امریکا سے براہ راست مکالمے کی اطلاعات کو امریکی پروپیگنڈہ قرار دے دیا ایرانی وزارت خارجہ کے ترجمان سعید خطیب زادہ نے امریکی قومی سلامتی کے مشیر کے جوہری پروگرام پر ایران کو براہ راست پیغام بھیجنے کے دعوی پر کہا کہ ویانا میں گفتگو کے دوران امریکا سے براہ راست کوئی بات چیت نہیں ہوئی، ویانا مذاکرات کے آغاز سے پہلے کچھ مکتوب اور غیر مکتوبی پیغام ملے تھے جن کا اسی جگہ جواب دیا گیا۔انہوں نے کہا کہ میڈیا اور عوامی حلقوں میں جو کچھ امریکا بیان کرتا ہے، اس کے برعکس ابھی تک اس نے گروپ 4+1 کو کوئی خاطر خواہ پیشکش نہیں کی ہے، گھسے پٹے دعوؤں سے کچھ ہونے والا نہیں ہے، ہمارے فیصلوں پر مدت کے تعین اور میڈیا کے ذریعہ دباؤ ڈالنے کا کوئی اثر نہیں ہوگا۔سعید خطیب زادہ نے ایٹمی مذاکرات کے تعلق سے تین یورپی ملکوں کے رویے کے بارے میں کہا کہ ہم نے تینوں ملکوں کے میڈیا اور عام سفارتکاری کو مذاکرات کے برخلاف سرگرم پایا، تینوں ممالک سنجیدہ گفتگو پر وقت اور توانائی صرف کرنے کے بجائےمیڈیا پروپیگنڈے اور غلط خبریں پھیلانے میں لگے ہیں.
