Raza Musani 
حافظ آباد : پنجاب کے ضلع حافظ آباد میں پولیس نے یوم علیؑ کے جلوس کے دوران نماز کی ادائیگی پر بانیانِ جلوس کیخلاف مقدمہ درج کر لیا۔ مقدمہ تھانہ سٹی پولیس نے اے ایس آئی لیاقت حسین کی مدعیت میں 16 ایم پی او کے تحت درج کیا ہے۔ اے ایس آئی لیاقت حسین نے ایف آئی آر میں موقف اختیار کیا کہ وہ دیگر اہلکاروں کے ہمراہ سیکیورٹی ڈیوٹی کیلئے جلوس میں موجود تھا۔ جلوس، مسعود عرف چن شاہ ولد شاہ عالم گیلانی سکنہ گڑھی اعوان اپنی منزل کی جانب رواں تھا۔ جلوس شام 6 بج کر 55 منٹ پر گوجرانوالہ روڈ نزد حنیف جوس کارنر پہنچا، تو جلوس کے شرکاء نے صفیں بچھا کر نماز مغربین ادا کرنا شروع کر دی۔ نماز ادا کرنے کے جرم میں مذکورہ بانی جلوس اور نماز ادا کرنیوالوں کیخلاف قانونی کارروائی عمل میں لائی جائے۔
