Raza Musani 
تل ابیب : اسرائیلی وزیرِ خزانہ بیزالیل اسموٹریچ نے دعویٰ کیا ہے کہ امریکا کی جانب سے حماس کو ہتھیار ڈالنے کے لیے دو ماہ کی مہلت دی جائے گی۔ اسرائیلی وزیرِ خزانہ بیزالیل اسموٹریچ نے کہا ہے کہ امریکی صدر ڈونلڈ ٹرمپ کے ذریعے حماس کو دو ماہ کا الٹی میٹم دیا جائے گا۔ اس الٹی میٹم میں حماس سے ہتھیار ڈالنے کا مطالبہ کیا جائے گا۔ اسموٹریچ نے واضح کیا کہ اسرائیل غزہ کی پٹی میں جنگ اس وقت تک ختم نہیں کرے گا جب تک حماس کو مکمل طور پر ختم نہیں کر دیا جاتا۔ جنگ بندی کے دوسرے مرحلے کا مقصد حماس کو غیر مسلح کرنا ہے۔ انہوں نے کہا کہ غزہ میں حماس عسکری۔ شہری انتظامیہ اور حکومتی ڈھانچے میں سے کسی میں باقی نہیں رہے گی۔ انہوں نے دعویٰ کیا کہ اسرائیلی فوج زمینی صورتحال پر مکمل کنٹرول رکھتی ہے۔
