جب تک اسرائیلی تسلط برقرار ہے، ہتھیار نہیں ڈالیں گے، حماس

غزہ : حماس کے رہنما سہیل ہندی نے کہا ہے کہ جب تک فلسطین پر غاصبانہ صیہونی تسلط قائم ہے۔ مزاحمت ہتھیار نہیں ڈالے گی۔ صیہونی وزیراعظم کے بیان پر ردعمل میں سہیل ہندی نےکہا کہ مزاحمتی ہتھیار براہِ راست قابض اسرائیل کی موجودگی سے جڑے ہیں اور یہ فلسطینی قوم کا متفقہ فیصلہ ہیں جو کسی بھی حالت میں ختم نہیں کیا جا سکتا۔
الجزیرہ لائیو کے ساتھ گفتگو میں سہیل ہندی نے کہا کہ نیتن یاہو کی باتیں گمراہ کن کہانی کے سوا کچھ نہیں۔ اس کا مقصد قابض اسرائیلی فوج کو ایک اخلاقی اور انسانی فوج کے طور پر پیش کرنا ہے، حالانکہ حقیقت اس کے برعکس ہے۔ محمد ہندی نے کہا کہ حماس ثالث ممالک کے ساتھ جو معاہدہ طے کیا اس پر مکمل عمل درآمد کیا۔ قابض اسرائیلی فوجی ران گویلی کی لاش کی حوالگی اور دستیاب معلومات کی فوری فراہمی کو یقینی بنایا۔ جبکہ اسرائیل معاہدے پر عمل نہیں کررہا۔