Raza Musani 
برسلز: یورپی ملک یونان نے غیرقانونی تارکین کا ملک میں داخلہ روکنے کے لئے بڑی کارروائی کی ہے، اور ایک ساتھ 600 سے زائد تارکین کو پیچھے دھکیل دیا ہے۔ یونان نے گزشتہ کچھ برسوں سے سمندری اور زمینی سرحدوں پر سیکیورٹی سخت کر رکھی ہے، تاکہ مزید تارکین کی آمد کو روکا جاسکے، اور ان اقدامات کی وجہ سے یونان میں تارکین کی آمد میں نمایاں کمی بھی آئی ہے۔ حال ہی میں سمندر کے ذریعے ملک میں داخلے کی کوشش کرنے والے پاکستانیوں سمیت 600 سے زائد تارکین یونانی کوسٹ گارڈ کی نظروں میں آگئے، جس پر کوسٹ گارڈ نے تارکین کی کشتیوں کو واپس ترک سمندری حدود میں دھکیل دیا، اور اس بارے میں ترک حکام کو بھی آگاہ کردیا۔ حکام کا کہنا ہے کہ کشتیوں میں سوار تارکین ممکنہ طور پر اٹلی جانے کی کوشش کررہے تھے، یونانی حکام نے الزام لگایا ہے کہ ترکی کی جانب سے تارکین کو یونان کی طرف جانے سے نہیں روکا جاتا۔
