حکومت مغربی کنارے میں الحاق کا اطلاق کررہی ہے، اسرائیلی وزیر

تل ابیب : صیہونی وزیر توانائی ایلی کوہن نے تسلیم کیا ہےکہ اسرائیلی حکومت مقبوضہ مغربی کنارے میں زمین پر الحاق کو مؤثر طریقے سے لاگو کر رہی ہے۔ ایلی کوہن نے بیان میں کہا کہ مغربی کنارے میں جو کچھ ہو رہا ہے وہ دراصل عملی خودمختاری کا نفاذ ہے، جو الحاق کی اصطلاح کے طور پر استعمال کیا جاتا ہے۔ انہوں نے بتایا کہ سامریہ ریجنل کونسل کے سربراہ یوسی ڈاگن کے ساتھ معاہدہ طے پایا ہے، جس کے تحت ہومیش، سا نور، رحوابم اور ایبال سمیت نئی غیرقانونی صیہونی آبادکاریوں کو بجلی اور پانی کے نیٹ ورک سے منسلک کیا جائے گا۔ ماہرین کے مطابق یہ اقدامات دو ریاستی حل کو مزید کمزور کر سکتے ہیں اور خطے میں کشیدگی بڑھنے کا خدشہ ہے۔