عالمی بےحسی برقرار، غزہ پر رات سے جاری حملوں میں مزید 20 فلسطینی شہید

غزہ: غزہ پر صیہونی فوج کے فضائی حملے جاری ہیں۔ رات سے جاری حملوں میں کم از کم بیس فلسطینی شہید اور کئی زخمی ہوگئے۔ اسرائیلی جنگی طیاروں نے رات گئے کمال عدوان اسپتال کے نزدیک رہائشی عمارت پر بم برسادئے۔ بمباری سے آٹھ فلسطینی شہید اور گیارہ زخمی ہوگئے۔ شہدا میں بیشتر خواتین اور بچے شامل ہیں۔
صبح نصیرات کیمپ کے شمال میں بمباری سے دو شہری شہید اور دیگر زخمی ہو گئے۔ اسرائیلی ڈرون نے دیر البلاح شہر میں خیمہ بستی کے بے گھر افراد کو نشانہ بنایا جس میں دو فلسطینی شہید اور دیگر زخمی ہوئے۔ غزہ شہر کے سوڈانی ۔ صابرہ اور زیتون محلوں میں ڈرون سے فائرنگ کی گئی۔
رفح اور خان یونس پر حملے میں بھی کئی قیمتی جانیں گئیں۔