غزہ جنگ اسرائیل کی تباہی کا پیش خیمہ ہے، سابق وزیر دفاع

تل ابیب: اسرائیلی فوج کے سابق آرمی چیف اور سابق وزیر دفاع موشے یالون نے غزہ میں جاری مہم کو اسرائیل کی تباہی کا پیش خیمہ قرار دے دیا۔ اسرائیلی میڈیا سے بات کرتے ہوئے موشے یاعلون نے کہا کہ اسرائیلی حکومت غزہ میں نسلی تطہیر کے راستے پر گامزن ہے۔ جس راستے پر ہمیں گھسیٹا جا رہا ہے وہ غزہ کی پٹی میں قبضہ۔ الحاق اور نسلی صفائی ہے۔ انہوں نے کہا کہ آپ جائزہ پول دیکھیں جس میں ستر فیصد اسرائیلی عوام یہودی، جمہوری، لبرل راستے کی وکالت کرتے ہیں۔ انہوں نے کہا کہ اس بارے میں کوئی الجھن نہیں ہونا چاہئے جو بھی ہمیں الجھا رہا ہے وہ ہمیں تباہی کے راستے پر لے جا رہا ہے۔ ہم اسرائیلی فوجیوں کی زندگیوں کو خطرے میں ڈال رہے ہیں اور ان کے خلاف بین الاقوامی فوجداری عدالت میں مقدمہ چلایا جائے گا۔