غزہ: 15 ماہ میں 47 ہزار شہادتیں، ایک لاکھ 10 ہزار زخمی

غزہ : غزہ میں پندرہ ماہ کی جنگ میں 47 ہزار کےقریب فلسطینی شہید اور ایک لاکھ 10 ہزار سےزائد زخمی ہوئے۔ نقصانات کی ابتدائی رپورٹ کے مطابق اسرائیلی جارحیت کے نتیجے میں بانوے فیصد گھر۔اٹھاسی فیصد اسکول۔ اڑسٹھ فیصد سڑکیں۔ ستر فیصد زرعی زمینیں تباہ ہوگئیں۔ ساٹھ فیصد عمارتیں تباہ یا ناقابل رہائش ہوگئیں۔ جس کا 42 ملین ٹن ملبہ اٹھانا ایک مشکل ترین مرحلہ ہوگا۔ ملبے کو ہٹانے میں کم از کم ایک دہائی لگے گی۔
رپورٹ کے مطابق 486 روز کی جنگ میں یومیہ سو افراد شہید ہوئے۔ گیارہ ہزار سے زائد تاحال لاپتہ ہیں۔ رپورٹ کے مطابق نوے فیصد آبادی بے گھر ہو چکی ہے جو اسے جدید تنازعات میں سب سے زیادہ ریکارڈ ہے۔ جبکہ چھتیس اسپتالوں میں سے بیشتر خدمات فراہم کرنے کے قابل نہیں رہے۔