Raza Musani 
اسلام آباد : مجلس وحدت مسلمین کے سربراہ علامہ راجہ ناصر عباس جعفری نے کہا ہے کہ ملکی سالمیت و دفاع کیلئے شیعہ سنی اور دیگر مذاہب کے برادران کو اکائی بن کر باہر نکلنا ہوگا۔ وطن کا ہر خوددار شہری وقت کے شیطان امریکا سے اپنی نفرت کا اظہار احتجاج کی شکل میں کرتے ہوئے دنیا بھر میں یہ پیغام پہنچائے کہ پاکستان میں امریکہ کاجو یار ہے غدار ہے غدار ہے۔ انہوں نے ٹوئٹ کہا کہ وطن عزیز کے ہر شہر میں امریکی مداخلت کے خلاف احتجاج ریکارڈ کرانا ہر باشعور،باضمیر،خوددار،غیرتمند اور محب وطن کا اخلاقی فریضہ ہے۔ آج رات احتجاج میں شرکت کرکے وقت کے دجال امریکا پر یہ واضح کرنا ہوگا کہ پاکستانی قوم امپورٹڈ حکومت نامنظور اور امریکی مداخلت کو سختی سے مسترد کرتی ہے۔انہوں نے محترمہ بلقیس ایدھی کی وفات پر لواحقین سے اظہار تعزیت کیا اور انسانیت کی خدمت کے لیے ان کے کردار کو مشعل راہ قرار دیا۔
