سوئیڈن کا امدادی چینل ضروریات کیلئے ناکافی ہے ،ایران

نیویارک (نیوز ڈیسک) اقوام متحدہ میں ایران کے مستقل مندوب مجید تخت روانچی نے امریکا کی یکطرفہ پابندیوں کو انسداد کورونا مہم میں بڑی رکاوٹ قرار دیتے ہوئے سوئیڈن کی جانب سے قائم کئے گئے امدادی چینل کو ایران کی ضروریات کیلئے ناکافی قرار دیا، اقوام متحدہ کی ایک تقریب سے خطاب میں مجید تخت روانچی نے کہا کہ امریکا کی وزارت خزانہ نے اس چینل کو استعمال کرنے کی خواہاں کمپنیوں کیلئے ایسے سخت قوانین وضع کئے ہیں کہ عملا اس کے ذریعے تجارت کرنا ان کیلئے دشوار ہے، انہوں نے عالمی سطح پر کورونا کے خلاف جاری مہم کو ایک متحدہ محاذ سے تعبیر کیا اور کہا کہ اس راہ میں رکاوٹ ڈالنے والا ہر اقدام اس مہم کے کمزور کرنے کے مترادف ہے۔