Raza Musani 
کراچی : مجلس وحدت مسلمین پاکستان سندھ کے صدر علامہ باقر زیدی نے کہا ہے کہ یوم شہادت حضرت علی ؑ سندھ بھر میں عقیدت اور احترا م کے ساتھ منایا جائے گا، کراچی پریس کلب میں دیگر شیعہ رہنماؤں کے ہمراہ مشترکہ پریس کانفرنس میں علامہ باقر زیدی نے کہا کہ یوم شہادت امام علی ؑ کے موقع پر مجالس او ر عزاداری کے اجتماعات منعقد ہوں گے، حکومت اور قانون نافذ کرنے والے ادارے فول پروف سیکیورٹی انتظامات کو یقینی بنائیں، انہوں نے کہا کہ 27 رمضان جمعۃ الوداع کو یوم القدس منایا جائے گا، ایم ڈبلیو ایم کی جانب سے سندھ بھر میں یوم القدس پر احتجاجی مظاہرے ہوں گے جبکہ کراچی میں مرکزی احتجاجی مظاہرہ بعد نماز جمعہ جامع مسجد نور ایمان ناظم آباد کے باہر کیا جائے گا۔
