Raza Musani 
پیرس: پاکستانی وزیراعظم شہباز شریف نے مالی بحران سے نکلنے کیلئے پیرس میں عالمی رہنماؤں سے ملاقاتیں کیں۔ پاکستانی وزیراعظم نے عالمی مالیاتی فنڈ آئی ایم ایف کی منیجنگ ڈائریکٹر کرسٹالینا جارجیوا سے ملاقات کی اور بتایا کہ پاکستان نے نویں جائزے کے لئے تمام پیشگی اقدامات مکمل کرلئے ہیں۔ امید ہے فنڈز جلد جاری کردیئے جائیں گے۔ شہبازشریف نے فرانسیسی صدر ایمانوئل میکروں سے بات چیت میں کہاکہ نئے عالمی مالیاتی معاہدے کے تحت قرض کے دلدل میں ڈوبے ترقی پزیر ممالک کی مدد وقت کی ضرورت ہے تاکہ وہاں کے عوام کو ریلیف مل سکے۔ شہبازشریف نے سعودی ولی عہد محمد بن سلمان سے بھی ملاقات کی جس میں باہمی دلچسپی کے امور پر تبادلہ خیال کیا گیا اور دوطرفہ تعاون کے فروغ کے لئے اشتراک عمل مزید بڑھانے پر اتفاق کیا۔ شہباز شریف اور اقوام متحدہ کے سیکریٹری جنرل انتونیو گوتیرس کی ملاقات میں سیلاب زدگان کی سورتحال پر تبادلہ خیال کیا گیا۔
