Raza Musani 
کیف: روسی قبضے کے پیش نظر یوکرین نے شمال مشرق میں کئی سرحدی علاقے خالی کرنے کا حکم دے دیا۔ یوکرین نے کوپیانسک کے فرنٹ لائن شہر اور ملحقہ شمال مشرقی علاقوں سے شہریوں کو لازمی طور پر نکالنے کا حکم دیا ہے کیونکہ خدشہ ہے کہ روس اہم شہر اور ریل مرکز پر دوبارہ قبضہ کر لے گا۔ خار کیو کی فوجی انتظامیہ نے کوپیانسک سے بچوں والے خاندانوں اور محدود نقل و حرکت والے رہائشیوں کا انخلا شروع کردیا ہے۔ یہ فیصلہ روسی فوجیوں کی طرف سے علاقے پر مسلسل گولہ باری کی وجہ سے غیر مستحکم سیکیورٹی کی صورتحال کو مدنظر رکھتے ہوئے کیا گیا ہے۔ ادھر روسی فوجیوں نے اور ویگنر گروپ نے یوکرین کے محصور شہر باخموت تک رسائی کے آخری راستوں کو بھی بند کردیا ہے۔ باخموت پر قبضے کیلئے یوکرینی اور روسی افواج میں شدید لڑائی ہورہی ہے۔ یوکرینی فوج نے گذشتہ 24 گھنٹوں کےدوران روسی فوج کے 170 سے زیادہ حملوں کو پسپا کر دیاہے ۔یوکرینی فوج روسی فوجیوں کو روکنے کے لیے نئی خندقیں کھود رہی ہیں۔
