توہین آمیز مواد نہ ہٹانے پر پاکستان میں وکی پیڈیا تک رسائی بند ہونے کا خدشہ

اسلام آباد: پاکستان ٹیلی کام اتھارٹی نے خبردار کیا ہے کہ اگر 48 گھنٹوں کے اندر سرچ انجن وکی پیڈیا سے توہین آمیز مواد نہ ہٹایا گیا تو پاکستانی صارفین کی مذکورہ پلیٹ فارم تک رسائی بند کر دی جائے گی۔ پی ٹی اے نے غیر قانونی مواد ہٹانے سے متعلق ہدایات پر عمل درآمد نہ کرنے کی پاداش میں وکی پیڈیا تک رسائی کا درجہ گھٹا دیا تھا، کیونکہ پلیٹ فارم نے پاکستان کی شکایت کے ازالے کے ضمن اٹھائے جانے والے اقدامات سے اسلام آباد کو آگاہ نہیں کیا، جس کے بعد اس کی رسائی کو ملک میں محدود کیا جا رہا ہے۔ اگر مذکورہ پلیٹ فارم مطلوبہ لوازمہ اپنی سائٹ سے ہٹانے میں ناکام رہا تو وکی پیڈیا کی پاکستانی صارفین تک رسائی بند کر دی جائے گی، تاہم ٹیلی کام ریگولیٹر نے اس مواد کی نشاندہی نہیں کی جسے وکی پیڈیا سے ہٹانے کا مطالبہ کیا جا رہا ہے۔