روسی حملہ کے بعد یورپ کے فوجی اخراجات میں بے تحاشا اضافہ

اسٹاک ہوم: یوکرین پر روسی حملے کے بعد یورپ کے فوجی اخراجات میں بے تحاشا اضافہ ہوگیا۔ اسٹاک ہوم انٹرنیشنل پیس ریسرچ انسٹی ٹیوٹ کی رپورٹ کے مطابق گذشتہ سال یورپ کے فوجی اخراجات بلند ترین سطح 2.24 ٹریلین تک جاپہنچے۔ سرد جنگ کے بعد یورپ کے فوجی اخراجات 13 فیصد بڑھ گئے ۔ یہ اضافہ تیس سال میں سب سے بڑا اضافہ ہے۔ جو مجموعی گھریلو پیداوار کا 2.2 فیصد بنتا ہے۔ تھنک ٹینک کے مطابق حالیہ برسوں میں فوجی اخراجات میں مسلسل اضافہ اس بات کی علامت ہے کہ ہم غیر محفوظ دنیا میں رہ رہے ہیں۔رپورٹ کے مطابق زیادہ تر اضافہ روس اور یوکرین تنازع کے تناظر میں ہوا۔ لیکن دوسرے ممالک نے بھی روسی دھمکیوں کے جواب میں فوجی اخراجات میں اضافہ کیا۔ دفاعی ماہر کے مطابق ممالک موجودہ ماحول کو دیکھتے ہوئے فوجی طاقت میں اضافہ کررہے ہیں۔ جس میں مستقبل قریب میں بہتری کی توقع نہیں ہے۔