بورڈ آف پیس غزہ تک محدود ہو تو تعاون کریں گے، یورپی یونین

برسلز : یورپی یونین نے امریکا کے بورڈ آف پیس کو صرف غزہ تک محدود رکھنے پر شمولیت کی پیشکش کردی۔ یورپی یونین کی خارجہ پالیسی کی سربراہ کاجا کیلس نے کہا کہ اگر صدر ٹرمپ کا امن بورڈ صرف غزہ تک محدود ہو تو وہ اس پر کام کر سکتے ہیں۔ انہوں نے کہا کہ وہ مشرق وسطیٰ میں امن کے لیے کام کرنا چاہتے ہیں اور ٹرمپ کے بورڈ کو اقوام متحدہ کی سلامتی کونسل کے فیصلے کے مطابق محدود دیکھنا چاہتے ہیں۔ انہوں نے واضح کیا کہ اگر بورڈ کو صرف غزہ تک محدود کر دیا جائے تو یورپی رہنما اس کے ساتھ تعاون کر سکتے ہیں۔
اجلاس سے قبل کیلس نے کہا کہ اس پیشکش پر یورپی رہنما تبادلہ خیال کریں گے اور ممکنہ طور پر اس کی حمایت کریں گے۔