یورپ پابندیاں ہٹائے، غذائی بحران سے نمٹنے میں شراکت کو تیار ہیں، روسی صدر

ماسکو : روسی صدر پیوٹن کا کہنا ہے کہ اگر مغرب یوکرین معاملے پر روس پر لگائی گئی پابندیاں ہٹاتا ہے تو ماسکو خوراک کے بڑھتے ہوئے بحران کو روکنے کے لئے اہم شراکت کرنے کو تیار ہے۔ اٹلی کے وزیر اعظم ماریو ڈریگی کے ساتھ ٹیلی فون گفتگو میں پیوٹن نے کہا کہ روس اناج اور کھاد کی برآمد کے ذریعے خوراک بحران پر قابو پانے کیلئے تیار ہے لیکن یہ مغرب کی جانب سے سیاسی طور پر لگائی گئی پابندیوں کے خاتمے سے مشروط ہے۔ کریملن کا کہنا تھا کہ پیوٹن نے نیوی گیشن کی حفاظت کو یقینی بنانے کے لئے اٹھائے گئے اقدامات کے بارے میں بھی بات کی جس میں ازوف اور بحیرہ اسود کی بندرگاہوں سے سویلین جہازوں کے باہر نکلنے کے لئے انسانی ہمدردی کی بنیاد پر راہداریوں کو روزانہ کھولنا بھی شامل ہے جس میں یوکرین کی جانب سے رکاوٹ ہے۔