Raza Musani 
دمشق : شام کے صدر بشار اسد نے اپنے ترک ہم منصب رجب طیب اُردوان سے ملاقات کے لئے شرط رکھ دی۔ انہوں نے کہاکہ شام سے ترک فوجیوں کے انخلاء اور انقرہ کی طرف سے دہشت گردوں کی حمایت بند کرنے تک اردوان سے ملاقات ممکن نہیں۔ بشار السد نے کہا کہ اردوان کے ساتھ ملاقات اس مرحلے تک پہنچنے پر منحصر ہے کہ ترکیہ واضح انداز میں اور بغیر کسی ابہام کے شام کی سرزمین سے مکمل طور پر نکلنے، دہشت گردی کی حمایت ختم کرنے اور شام کے خلاف جنگ شروع ہونے سے پہلے کی صورت حال کو بحال کرنے کے لیے تیار ہو۔انہوں نے واضح الفاظ میں کہا کہ یہ واحد صورت حال ہے جب میرے اور اردوان کے درمیان ملاقات ممکن ہو گی۔ بصورت دیگر اس ملاقات کی کوئی اہمیت نہیں اور ہم کیوں ملیں اگر اس سے شام میں جنگ کے حتمی نتائج حاصل نہیں ہوتے؟ ایسی ملاقات کی اہمیت اگر شام کی جنگ کے بارے میں حتمی نتائج تک نہ پہنچے تو کس مقصد کے لیے ہے اور ہم ایسا کیوں کریں؟
