Raza Musani 
تہران : ایرانی صدر مسعود پزشکیان نے کہاہےکہ دشمن جنگ کے ذریعے ایران کو سر تسلیم خم کرنے پر مجبور نہیں کر سکتا، ہم ان کے جھوٹ اور ناجائز مطالبات کے سامنے پوری طاقت سے کھڑے ہوں گے.
صوبائی گورنرز اور بڑے شہروں کے میئرز کے اجلاس سے خطاب میں پزشکیان نے کہا کہ ہمیں عوام کے تعاون اور یکجہتی کے ساتھ ان چیلنجز اور بحرانوں سے نکلنا ہوگا جو دشمنوں نے ہمارے ملک کے لیے پیدا کیے ہیں۔ انہوں نے کہا کہ ہم بات چیت کے ذریعے مسائل حل کرنے کی کوشش کر رہے ہیں اور اس سلسلے میں سپریم لیڈر نے حکومت کو بعض اختیارات بھی دیے ہیں۔ ایرانی صدر نے کہا کہ جنگ سے کسی کو فائدہ نہیں پہنچتا۔ دشمن جنگ کے ذریعے ایران کو سر تسلیم خم کرنے پر مجبور نہیں کر سکتے۔ ہم ان کے جھوٹ اور ناجائز مطالبات کے سامنے پوری قوت سے کھڑے ہوں گے۔ پزشکیان نے کہا کہ اگر ہم چاہتے ہیں کہ عوام مشکل حالات کا بہتر مقابلہ کریں اور ملک کم سے کم تناؤ کے ساتھ اس صورتحال سے نکلے تو ہمیں توانائی کی بچت اور بہتر استعمال کے ذریعے صنعتی پیداوار کا سلسلہ جاری رکھنا ہوگا۔
