Raza Musani 
تہران : ایرانی فوج کے کمانڈر میجر جنرل علی عبداللہی نے خبردار کیا ہے کہ اگر کنفرم ہوگیا کہ امریکہ یا اسرائیل حملہ کرنے والے ہیں تو ایران پیشگی حملہ کردے گا اور ایران کا جواب کسی جغرافیائی حدود میں قید نہيں ہوگا۔ میجر جنرل علی عبداللہی نے سوشل میڈیا پلیٹ فارم ایکس پر ایک پوسٹ میں لکھا کہ ہم اپنی مکمل انٹیلی جنس صلاحیتوں کو بروئے کار لاتے ہوئے دشمن کی نقل و حرکت اور تیاریوں پر نظر رکھے ہوئے ہیں، اور اپنے اہداف کی فہرست کو اپ ڈیٹ کر رہے ہیں انہوں نے کہا کہ اگر دشمن کی جانب سے کسی بھی جارحانہ کارروائی کے آثار کی تصدیق ہو جاتی ہے، تو مسلح افواج اپنے جوابی ردعمل کے لیے دشمن کی پہل کا انتظار نہیں کریں گی۔ انہوں نے کہا کہ مسلح افواج کے جنرل اسٹاف کے عہدیدار نے زور دے کر کہا کہ ہمارا جوابی ردعمل فوری، مؤثر اور کسی بھی جغرافیائی حدود سے ماورا ہوگا۔
