Raza Musani 
مکہ مکرمہ : سعودی عرب سمیت خلیجی ممالک میں آج عید الفطر منائی جارہی ہے۔پاکستان اور ہندوستان سمیت بیشتر ممالک میں کل عید ہوگی۔ سعودی عرب اور متحدہ عرب امارات میں شوال کا چاند نظرآنے پرعید منانے کا اعلان کیا گیا۔ سعودی عرب میں عید کا سب سے بڑا اجتماع مسجد الحرام میں ہوا جس میں لاکھوں فرزندان اسلام نے حصہ لیا۔ سعودیہ میں دوسال بعد تمام مساجد اور عیدگاہوں میں مکمل گنجائش کے ساتھ نماز عید ادا کی گئی عرب امارات۔ بحران۔ قطر۔ کویت میں بھی عید کے اجتماعات ہوئے۔ جس میں امت مسلمہ کی ترقی اور خوشحالی کی دعا مانگی گئی۔ فلسطین میں ہزاروں افراد نے مسجد الاقصیٰ میں نماز عید ادا کی۔ افغانستان میں بھی آج عید منائی جارہی ہے۔ برطانیہ، فرانس، امریکہ اورکینیڈا میں بھی آج عید منائی جارہی ہے۔ انڈونیشیا میں نماز عیدالفطر کا بڑا اجتماع دارالحکومت جکارتہ میں ہوا پاکستان۔ ہندوستان۔ایران۔ عراق بنگلہ دیش۔ سری لنکا۔ ملائیشیا، سنگاپور، آسٹریلیا ۔ برونائی، جاپان، فلپائن اور تھائی لینڈ میں عیدالفطر کل ہوگی۔
