Raza Musani 
ریاض : اسرائیل اور سعودی عرب کے درمیان تعلقات کے قیام کی کوششیں تیز ہوگئی ہیں۔ اسرائیلی اخبار یدیوت اہرنوٹ اور یروشلم پوسٹ کےمطابق گذشتہ ہفتے سینیئر اسرائیلی حکام نے سعودی عرب کا دورہ کیا اور سعودی حکام سے بات چیت میں علاقائی سلامتی کے مسائل اور ایران سے لاحق خطرات پر توجہ مرکوز رہی۔ریاض کا دورہ کرنے والے وفد میں وزیر دفاع بینی گانٹز اور موساد کے دو سابق سربراہان یوسی کوہن اور تامیر پارڈو شامل ہیں۔اس کے علاوہ درجنوں اسرائیلی کاروباری شخصیات نے بھی سعودی عرب کا دورہ کیا اور اسرائیلی کمپنیوں میں سعودی سرمایہ کاری اور اسرائیلی سرمایہ کاری کے فنڈز پر بات چیت کی گئی۔ دونوں ممالک کے شخصیات کے درمیان ملاقاتوں کی تصدیق ہوئی ہے۔ یہ بات چیت اس وقت سامنے آئی ہے جب امریکا نے خطے میں اپنے اتحادیوں کے درمیان تعاون پر زور دیا ہے، امریکی صدر جو بائیڈن مشرق وسطیٰ کے دورے میں اسرائیل اور سعودی عرب دونوں ممالک جائیں گے۔ ذرائع کے مطابق، بائیڈن انتظامیہ کا خیال ہے کہ کسی انتظام کو حتمی شکل دینے سے فریقین کے درمیان اعتماد پیدا ہو سکتا ہے اور اسرائیل اور سعودی عرب کے درمیان گرمجوشی کے تعلقات کا آغاز ہو سکتا ہے، جن کے سفارتی تعلقات نہیں ہیں۔یہ معاہدہ ابراہیمی کے بعد مشرق وسطیٰ میں امریکی خارجہ پالیسی کی سب سے اہم کامیابی ہوگی، جسے ٹرمپ انتظامیہ نے بنایا اور اسرائیل، متحدہ عرب امارات، بحرین اور مراکش کے درمیان معاہدوں کو معمول پر لانے کا باعث بنا۔
